Die PORTERVILLE JEUGEKSPO op 26, 27, 28 Augustus 2022 is die Bergrivier streek se uitstalgeleentheid vir boerdery, landbou en plattelandlewe.
Vir drie dae kom diere, perdespanne, historiese voertuie, kleinhandel stalletjies en nog baie meer op die pragtige perseel van die Porterville Skoupark byeen om die beste in die Bergrivier te vier. Dit bied aan elke besoeker iets om te geniet en die perfekte geleentheid aan borge om die aandag van ons toeskouers te trek.
Sluit by ons aan op 26, 27 & 28 AUGUSTUS vir die 2022-skou, waar ons die geskiedenis laat herlewe deur die allerbeste in die Bergrivier ten toon te stel.
Van diere tot trekkers, perdevertonings, kos en blomme, die Porterville Skou vermaak en leer sedert 1928. Ongeag jou belangstellings, hierdie gesinsvriendelike geleentheid sal iets bied wat jou sal beïndruk.
Hiermee word u streek vriendelik uitgenooi om aan die Porterville jeugskou deel te neem op, Saterdag, 27 Augustus 2022, om 11:00 te Porterville skouterrein. Registrasie vind plaas by die skougronde vanaf 09:00. Inskrywingsfooie is betaalbaar by registrasie.
Inskrywingsfooie is soos volg:
R30.00 per vertoner per klas.
Die volgende klasse word aangebied:
Wolskape
Vleisskape
Melkbokke
Boerbokke
Angorabokke
Perde
Pluimvee
Hierby ingesluit is die nodige inskrywingsvorm.
Sluitingsdatum: 22 Augustus 2022
Inskrywing kan gestuur word na: admin@agbl.co.za vir aandag: Annaline.
Jeugskougroete,
PAULA VAN NIEKERK
Perdtandarts
Instrukteur vir American School of Equine Dentistry
